Elke droom begin met 'n dromer. Megan se droom is om saam met ander tieners 'n vliegtuig te bou en daaarmee van Kaapstad na Kaïro te vlieg. Haar doel is om kinders in ander Afrikalande te inspireer om ook hulle drome vlerke te gee. Toe die vliegtuig uiteindelik meer as 'n jaar later gereed is, pak sy en haar medevlieëniers 'n reis vol avonture en naelbyt-oomblikke aan. As jy droom is 'n storie van durf, deursettingsvermoë, hoop en hartseer. 'n Avontuur met soveel adrenalien dat jy dit dalk vergesog sou noem - as dit nie die waarheid was nie ...
Wanneer hulle haar vermoorde suster se woonstel opruim, ontdek Lizet Vos Marina se bucket list. En van toe af probeer sy om alles te doen wat op dié lysie is, al is al die gewaagde, gevaarlike dinge eintlik heel teen haar aard. Haar droom om eendag te trou en kinders kry te hê, skuif sy ver agtertoe. Totdat haar broer Evan se lewe met Anya Breedt verstrengel raak en Anya se broer Stephen en sy dogtertjie Soekie deel word van familiekuiers. Stephen se lewe het mooi volgens plan verloop. Hy het die groot stap geneem om sy eie platemaatskappy te begin, ’n jarelange droom, maar toe word sy vrou siek en voor hy kan asemskep, is sy weg en sy lewe heeltemal omver gewerp. En terwyl hy spartel om al die balle in die lug te hou, word die Vos-familie deel van sy gesin se lewe en begin Lizet Vos met haar donker hare en blou oë hom hinder. Om alles te kroon, is Soekie vanjaar in haar klas. Hy vermy enige besoek aan die skool, maar hy kan nie die uitnodiging om klasbesoek te doen na ses maande, ignoreer nie. Hy wil hom nog vererg vir Lizet, maar dan wys sy vir hom die tekening wat Soekie gemaak het. Lizet en Stephen moet beide opnuut hulle eie drome ontdek voor hulle lewe weer sin kan maak. Om weer te droom is die tweede roman in ’n reeks uit die pen van Elsa Winckler, en bou voort op die verhaal in Ware Noord, wat in Maart 2015 verskyn het.
Met hierdie digbundel is die gedagtes en diep gevoelens van die digter vasgevang soos hy die pad aanskou op sy lewenstog. Die tweede bundel is weereens 'n opregte uitbeelding van die innerlike gevoel en emosies van menswees. Liefde, geloof, die pyn van teleurstelling, en nuwe hoop vir die toekoms vorm 'n goue draad deur die bundel wat die leser sal vasvang in die woorde van Raymond Bridges.
Hy steek sy hand in sy sak en haal ñ klein dosie uit. “Koert dis dan ñ ring!” “Ja meisiekind dis joune en druk dit oor haar vinger. God het dit op my hart gelê om dit vir jou te koop. Ek sal wag vir jou.” Koerts vat haar hande in syne vas en slaan sy oë na die hemel. “God baie dankie vir hierdie liefde wat U in my hart gebring het. God ek beloof vandag voor U, ek sal Linda liefhê, ek sal vir haar sorg soos dit U behaag”.
Aksie, drama, romanse, trauma, tragedie en intrige; dis alles hier in “Wanneer die Ankertou breek”. Wanneer die sesjarige hoofkarakter, Siyabonga, beide sy ouers aan die dood afgestaan het, is hy die enigste wie kan omsien na die behoeftes van sy tweejarige boetie. Die gemeenskap het hulle rug op hom gedraai, vanweë die gevreesde siekte, HIV Vigs, waaraan sy ouers oorlede is. Siyabonga moet vele gevare trotseer om kos in die hande te probeer kry. Omstandighede noodsaak hom om, sonder sy boetie, Dumisane, te moet vlug. Hy spring op ‘n trein wat onderweg is na Durban en moet ure later weer van die trein af vlug. Voor sononder bereik hy die pragtigste vleiland. Hier gooi hy anker en raak die lewens van vele se harte aan. Groot struikelblokke lê egter nog vir hom voor. Sal hy dit alles kan oorbrug en sal hy ooit weer met Dumisane herenig kan wor? Hierdie is ‘n boek wat beslis nie maklik neergesit kan word nie.
Hoe Suid-Afrikaanse Sportleiers Kampioene Slyp. Heyneke Meyer was 34 jaar oud toe hy vir die tweede keer as die hoofafrigter van 'n Superrugby-span afgedank is. Maar toe sy Bulls-span op 19 Mei 2007 die eerste Suid-Afrikaanse span word om die Super-titel te wen, was die donker jare op Loftus Versfeld skielik vergete en Meyer oornag almal se breier sonder gelyke'. Want dis net daar - op die speelveld - dat afrigters en spelers beoordeel word. En tog vertel die telbord nooit die volle verhaal van hoe mense oornag' sukses behaal het nie. Vir Meyer was dit 'n strawwe reis van meer as 7 jaar - 'n tydperk waarin hy beroepsrugby gedefinieer en verander het. En dit is leierskap. En leierskap is waaroor Die Baanbrekers gaan - mense wat 'n sportsoort, 'n bedryf of 'n manier van dink en uiteindelik daardeur ook lewens onherroeplik verander het. Marco Botha het met van Suid-Afrika se vernaamste sportleiers gesels en hy ontleed hier hul uiteenlopende suksesverhale. Van Meyer tot Brendan Venter, wat van Saracens 'n superklub en in 2013 van die Haaie die Curriebeker-kampioen gehelp maak het deur 'n kultuur te vestig waar gelukkige mense belangriker as silwerware geag word. Ook die voormalige Springbok-sewesafrigter Paul Treu het die blitskode as 'n wêreldsport bevorder deur sy span gereeld met innovasie op innovasie bo oënskynlik baie beter spanne te laat uittroon. Gary Kirsten en Paddy Upton het die Indiese en daarna die Suid-Afrikaanse krieketspan na wêreldoorheersing gelei met 'n leierskapstyl wat spelers bemagtig en as mense ontwikkel het - die nuwe skool' van afrigting. Hierdie merkwaardige leiers het van gewone mense kampioene gemaak. En die redes daarvoor gaan jou beslis verras . . .
MOMENTUM sees writing in South Africa after Soweto '76 as being of two kinds: the artefact (novels, plays or poetry) and the manifesto (the artist's statement about the shaping power of events in this country on his or her work). Another kind of division is also operative in South African literature: the writings of those who live here and the writings of those who live abroad - our exiles. Because there are at least these two kinds of divisions in our literature, MOMENTUM takes the shape it does. It combines writers' statements (from home and abroad) about their work with critical discussion of that work. This combination is unique in South African publishing and its effect is to allow the reader to come to an independent understanding of the interactions between forces which shape our writing, the writing itself, and critical response to that writing.
Sakegesprek met Theo Vorster is 'n in 2009 vrygestel en is een van die gewildste programme op Kyknet. Hierdie boek bevat 38 onderhoude wat Theo Vorster oor die laaste drie jaar met top sakelui gevoer het en sluit Koos Bekker, Whitey Basson, Ina Paarman en vele ander bekendes in. Die doel van die boek is om die sakeleier onderhoude te boekstaaf op so 'n manier dat elke leser die pitkos uit die sakeleier se sukses kry wat hy / sy op sy eie loopbaan kan toepas. Daar is geen syfers, finansiële resultate of harde sakenuus in die onderhoude nie, meer die suksesresep en die beginsels wat tot die sukses bygedrae het. Die vierdie reeks sal in April 2013 begin en vir 13 weke elke week 3 keer uitgesaai word en sal saamval met die publikasie van die boek. Die program is die 8ste gewildste program op DSTV en het gemiddelde kykersgetalle van tussen 100,000 en 130,000, almal in die hoër LSM groepe. In die afgelope 3 reekse is daar met 38 sakeleiers gesels wat opgedeel is in enterpreneurs, professionele bestuurders, ouer / afgetrede sakeleiers en dan jong mense op die kruin van hul loopbane. KykNet het onderneem om vir vier maande die boek, Sakegsprek met Theo Vorster te adverteer en dit sal dekking geniet in Sake24 (in Beeld, Burger, Volksblad en Rapport) waar Theo 'n weeklikse kolom skryf.
